பர்ஸானியா

பர்ஸானியா (2005)

நம்ம ஊருல இப்படிலாம் ஒரு படம் எடுக்க முடியுமா அப்படியே எடுத்தாலும் வெளிய வருமா? நம்பவே முடிய வில்லை...

இந்தப் படம் குஜராத்தில் (கோத்ரா சம்பவத்துக்குப் பிறகு **) கலவரத்தில் நடந்த ஓர் உண்மைச் சம்பவாம். ம்ம்ம்....

ஓர் அழகான.. அன்பான (பார்சி ) குடும்பம். அம்மா(சரிகா) - அப்பா (நசிருதீன்ஷா) - இவர்களுக்கு இரண்டு குழந்தைகள். மூத்தவன், பர்சான் ; அவனுக்கு ஒரு தங்கை. முஸ்லிம் வாழும் காலணி குடியிருப்பு ஒன்றில் வசிக்கிறார்கள்.

அவர்கள் வசிக்கும் காலணி குடியிருப்பில் தீ வைக்கப்படுகிறது. யார் இதற்கு காரணம் என்று அப்பட்டமாக காட்டுகிறார்கள். முதியவர்கள், குழந்தைகள், பெண்கள் னு கொஞ்சம்கூட ஈவு இரக்கமில்லாமல் வெட்டி சாய்கிறார்கள். இதில் பெண்களை பலாத்காரம் வேறு.....

அந்த பார்சி குடும்பமும் தப்பித்து ஓடுகிறது. உயிருக்காக ஓடும் கும்பலில் அந்த சிறுவன் அவன் குடும்பத்தில் இருந்து தொலைந்து போகிறான்.

அவன் குடும்பத்தார் மறுபடியும் அவனை கண்டுபிடித்தார்களா, பாதிக்கப்பட்ட மக்களுக்கு நியாயம் கிடைத்ததா என்பதுதான் மீதி கதை..

இதற்கிடையில் (காந்தியக் கருத்துகளை கொண்ட) வெளிநாட்டு மாணவன் இந்த பார்சி குடும்பத்திற்கு நல்ல பழக்கம். அவன் அந்த குடும்பத்திற்கு உதவுகிறான். அங்கங்கே காந்திய கொள்கைகள் ....

அரசாங்கத்தையும், மக்களையும் அப்பட்டமாய் தோலுரித்து காட்டுகிறார்கள். இந்த மாதிரி சம்பவங்களில் இரண்டு பக்க கருத்துகளையும் பதிவு செய்திருக்க வேண்டும். இருப்பினும் நம்ம ஊரில் இந்தப்படம் வெளிவந்ததே மிகப் பெரிய ஆச்சரியம்.

பாடல்கள், நீண்ட (& பன்ச்) வசனங்கள், காமெடி இப்படி படத்தில் எதுவும் இல்லை. படம் முழுவதும் சரிகா, நசிருதீன்ஷா தான். அருமையான நடிப்பு.

சரிகாவுக்கு தேசிய விருது வாங்கி கொடுத்தது.. ஏன் ஷாவுக்கு மட்டும் கிடைக்கவில்லை?

இயக்குநர் ராகுல் (Rahul Dholakia) க்கு இது இரண்டாவது படம். அவருடைய தைரியத்திற்கு ஒரு சபாஷ்.

கண்டிப்பாக பார்க்க வேண்டிய படம்.

--------------------

** பெப்ரவரி 27, 2002 -- அயோத்தியிலிருந்து கிளம்பின, சபர்மதி எக்ஸ்பிரஸ் காலை 6:30 மணியளவில் தீ 'வைக்கப்டுகிறது'. இந்த கொடிய சம்பத்தில் 58 கரசேவகர்கள் உயிர் இழந்தனர்.

இந்த சம்பவம் நடந்த 24 மணி நேரத்தில் குஜராத்தில் கலவரம் வெடிக்கிறது. 10,000க்கும் மேலான கரசேவர்கள் அலகாபாத் மற்றும் அதை சுற்றியுள்ள நகரங்களில் முஸ்லீம்கள் அதிகம் வாழும் பகுதிகளில் நுழைந்து நடந்த அட்டூழியங்கள் நாடு அறியும். [அதில் பிரபலமான வழக்கொன்று - "பெஸ்ட் பேக்கரி" ]

இந்த கலவரத்தில் 1044 பேர் உயிர் இழந்தனர்.

790 - முஸ்லீம்கள்; 254 - இந்துகள்

233 பேர் காணவில்லை.

606 குழந்தைகள் பெற்றோர்களை இழந்தனர்.

ஜோதா அக்பர் & மொஹல்- இ- அசாம்

(ஐஷ்வர்யா ராய் பச்சன் புண்ணியத்தில்) வரலாற்றை 'கொஞ்சம்' நினைவுபடுத்திய வவ்வால், வாழ்க!!

[அவரின் பதிவில் பின்னூட்டமாய் போட்டது... இங்கே பதிவாய் ]

முகலாய வரலாறு பல ஆச்சரியங்களையும் பல கேள்விகளும் கொண்டது (பொதுவா வரலாறே இப்படிதானோ?).

"ஆனால் சலிமின் மனைவியை எப்படி இப்போ அக்பருக்கு மனைவியாக மாற்றினார்கள் என்பது தெரியவில்லை. இல்லை ஒரே பெயரில் இரண்டு பெண்கள் இருந்தார்கள் என்று எடுத்துக்கொள்வதா? "

ஒரே பெயரில் இரண்டு பெண்கள் இருந்தார்கள் என்றுதான் படித்ததாக நினைவு. இன்னும் அந்த சந்தேகமும், விவாதமும் நடந்துகொண்டுதான் இருக்கிறது.

1) அக்பரின் மனைவி ஜோதா பாய். இவர் ஆம்பரை சேர்ந்த ராஜபுத் இளவரசி. ராஜா பர்மல் (Raja Bharmal of Amber)ன் மகள்.

2)(சலிம்) ஜெஹான்கீர் மனைவி ஜோத் பாய் அல்லது ஜோத் பிபி (Jodhi Bibi ). இவர் ஜோத்பூர் ராஜபுதான அரசர் உதய் சிங்கின் மகள்.

ஜோதா பாய் அக்பருக்கு மூன்றாவது மனைவி. முதல் மனைவிக்கு குழந்தைகள் இல்லை. இரண்டாவது மனைவி சல்மா சுல்தான் - விதவை; பைராம்கானின் (Bairam Khan*) மனைவி. மூன்றாவதுதான் நம்ம ஐஷ்வர்யா பச்சன்..சே..ஜோதா பாய்.

இதுவரை....அக்பரின் மனைவிகளுக்கு பிறந்தவுடன் குழந்தைகள் இறந்துவிட "தவமாய் தவமிருந்து" பிறந்தவர்தான் (சலிம்) ஜெஹான்கீர். அக்பருக்கும் ஜோதா பாய்க்கும் 22 வயது (தான்!) வித்தியாசம். திருமணத்துக்குப் பின்னும் இந்து முறைப்படி வாழந்தார் ஜோதா பாய்.

இப்பொழுது .....

(சலிம்) ஜெஹான்கீர்க்கு பல மனைவிகள் இருந்தாலும் ஒரு நாலு பேர் முக்கியமானவர்கள்.
1.ராஜா பஹவான் தாஸ் என்ற ராஜபுதான அரசரின் மகள், மான் பாய் [அக்பரின் மனைவி, ஜோதா பாயின் அண்ணன் மகள்]
2. நூர்ஜகான் - அறிவும், அழகும் நிறைந்தவள். ஜெஹான்கீரோட one of the favourites!
3. ஜோத்பூர் ராஜபுதான அரசர் உதய் சிங்கின் மகள், இளவரசி மன்மதி என்ற பேகம் ஜோத் பாய் அல்லது ஜோத் பிபி (Jodhi Bibi ). - இவர்களுக்கு பிறந்தவர்தான் ஷாஜகான்.
4. அனார்கலி ** (வரலாற்றில் புகழ்பெற்ற காதல் ஜோடி, சலிம்-அனார்கலி).

இந்த கதையைவைத்துதான் "மொஹல்- இ- அசாம்" என்ற திரைப்படம். அனார்கலி கதாபாத்திரமே முகலாய வரலாற்றில் இல்லை என்ற கருத்தும் உண்டு!!!

1960களில் மிகப் பெரிய பொருட்செலவிலும் 'Box office'ல் ..... ஏன்.. 1975ல் ஷோலே (Sholay) வரும்வரை......பல சாதனைகளை நிகழ்த்திய காட்டிய கறுப்பு-வெள்ளை படம், மொஹல்- இ- அசாம்.

கதை: (சலிம்) ஜெஹான்கீர் (திலீப் குமார்)க்கும் அனார்கலி (அந்த காலத்து மதுபாலா) க்கும் உள்ள காதல்தான்.

** அனார்கலி முகலாய அரசில் இருக்கும் பல அடிமை பெண்ணில் ஒருவள். நடனமாடுவது அவருடைய தொழில்.(சலிம்) ஜெஹான்கீர்க்கு பார்த்தவுடன் அவளை பிடித்து விடுகிறது(!!).

அப்பா அக்பருக்கு பிடிக்கவில்லை. அனார்கலியை சிறையில் வைத்துவிடுகிறார்.

சலிமோ அனார்கலியை நினைத்து நினைத்து ஏங்குகிறார். (பட்டத்துக்கு வந்தபிறகுதான் ஜெஹான்கீர் ஆகிறார். அதுவரை சலிம்தான்). அனார்கலியும் சலிமை மற(று)க்க முடியவில்லை.

அக்பர் பார்த்தார்.... உயிருடன் 'புதைக்க' சொல்லி ஆணையிடுகிறார்.. அதுவும் மக்கள் கூடும் சந்தை போன்ற பொதுஇடத்தில், நாலு சுவர் எழுப்பி அதில் அனார்கலியை விட்டு விடுகின்றனர். அதிலேயே அனார்கலி இறந்து விடுகிறார்.

லாகூரில் அந்த இடத்தை 'அனார்கலி பஜார்' என்று அழைக்கிறார்களாம்.

அனார்கலி என்ற கதாபாத்திரமே உண்மையல்ல என்று ஒருபக்கமும்...
மறுபக்கம்.... அனார்கலி இறக்கவில்லை அங்கிருந்து தப்பிவிடுகிறார் என்றும் சொல்கிறார்கள்.

எது உண்மையோ.... வரலாற்றில் சலிம்-அனார்கலி காத(ல்)லர்களை மறக்க முடியாது.

அந்த படத்தில் இடம் பெற்ற திலிப் குமார் மற்றும் லதா மங்கேஷ்கர் தவிர இப்பொழுது யாரும் உயிடன் இல்லை.

இந்தப்படம் 2004ல் கலர்கூட வந்தது. படத்தில் சபையில் மதுபாலா ஆடும் பாடல், Pyar Kiya to Darna Kya (I have loved, so what is there to fear?) மிக பிரபலம்.

அருமையான நடனம்....இந்தி புரியலைனாலும் மறுமுறையும் கேட்க வைக்கும் பாடல்......








* பைராம் கான் - முகலாய வரலாற்றில் ஒரு முக்கியமான நபர்; குமாயுன் (Humayun)க்கும் அவருடைய மகன் அக்பரின் சபையில் இருந்தவர்.முதல் அமைச்சர். இரண்டாம் பானிபட் போரின் (1556) வெற்றிக்கு காரணமானவர் . (அந்த போர் நடந்தபொழுது அக்பருக்கு 13 வயது!). இவரைப்பற்றியே ஒரு தனி பதிவு போடமாமே!!

பிடிச்சிருக்கு...

முதன் முதலில் தமிழ் வலையுலக அறிமுகம் ஆனபோது, தமிழ்மணத்தில "ஆறு" விளையாட்டு ஓடிக் கொண்டிருந்தது. ஓரமா நின்னு விளையாட்டை பார்த்துகிட்ட இருந்தவனை தமிழ்நதி 'வம்புல' மாட்டி விட, 'கொஞ்சம் வேர்த்து விறு விறுத்து' அவுங்ககிட்ட இரண்டு நாள் அவகாசம் கேட்டு, ஏதோ கிறுக்கி, "எழுதிட்டேன் படிச்சிட்டு சொல்லுங்கனு" சொல்லி ....... ம்ம்.. இப்ப நினைச்சாலும் ... ;)

இப்ப காட்டாறு பிடித்த பதிவு எதுனு கேக்க, இப்ப 'சீனியர்' ஆயிட்டதால... 'ம்ம்ம்... வரேன்' னு சொல்லிட்டு ஓடியாச்சி..

ஆசைதான்... என் பதிவில் பிடிச்சதுனு ஒரு பெரிய பட்டியல் போடணும்னு. அப்படி இருந்தாதான போடுறது...

ரொம்ப பின்னூட்டங்கள் வந்திருந்தா அது பிடிச்ச பதிவுனா அமிர்கான் எந்த பதிவ பிடிச்ச பதிவுனு சொல்லுவாரு...

சரி.. பூங்காவுலதான் நம்ம பதிவு வந்திருக்கே அத சொல்லாம்னா.... 'அந்த வாரம் நீ மட்டும்தான் "சம்மதம்"னு சொல்லிருப்ப அதனால வேற வழியில்லாம உன் பதிவு வந்திருக்கும்' அப்படினு உள்ளயிருந்து சின்னதா ஒரு மிரட்டல்...

நம்ம குமார் அண்ணாச்சி மாதிரி ஒரு பிடிச்சதா எழுதிட்டு, "இதுதான் எனக்கு பிடிச்சதுனு" சொல்லலாம்னு பார்த்தா அத்தனை வருடம் யார் காத்திருப்பா.....

ஆனால்.. பூங்காவிலும், வலைச்சரத்திலும் நண்பர்கள் குறிப்பிட்ட... ஏதோ சிறிய அளவிலாவது பயனுள்ளதா இருந்ததுனு சொன்ன பரஸ்பர நிதி தொடர்((!)

எனக்கும் பிடித்தது. இதையே இன்னும் விரிவாகவும் எழுத ஆசை. பொறுமையின்மையும், நேரமும் ஒத்துவராததால் அதோட நிறுத்தியாச்சி.

விதியை மீறகூடாதில்லையா... நான் அழைக்கும் நண்பர்கள்
1. ரொம்ப நாளாய் காணாமல் போன -- ஜோ
2. மோகன்தாஸ் மற்றும் மிளகாய்க்கு ஈடுகொடுத்து 'படம்' காட்டும் - மங்களூர் சிவா
3. சமீபத்தில் பார்த்த.... படித்த பதிவர்- "மழை" பிரதீப்

பி.கு: ஆட்டத்தின் விதி முறைகள் நம்ம கண்மணியக்கா பதிவுல...


நம்மையும் ஆட்டதுக்கு கூப்பிட்ட காட்டாறுக்கு நன்றிகோவ்!

SUPERBOWL - 2008

வாவ்..வாவ்...!!

நியூயார்க் Giants Vs நியூ இங்கிலாந்து Patroits.
17-14!!
யாருமே எதிர்பார்க்காத முடிவு.

தொலைக்காட்சி, பத்திரிக்கை, விளையாட்டு 'வல்லுநர்கள்' , விளையாட்டு இரசிகர்கள்/வெறியர்கள் என எல்லாரும், "New England Patriots எத்தனை புள்ளிகள் வித்தியாசத்தில் ஜெயிக்கபோகுது"னு கணக்கும், betting கட்டிக் கொண்டு இருக்க ..... இந்த அதிசயம் நடந்திருக்கிறது.

நியூயார்க் Giants - 42வது SuperBowl Winner!! இரண்டு மாநிலங்களுக்கு இடையே நடந்தாலும், இவர்களைப் பொறுத்தவரை.. இதுதான் உலக சாம்பியன்!!

Wildcardல் இருந்த ஒரு அணி, GreenBay Packers போன்ற பெரிய அணிகளுடன்லாம் மோதி வெற்றி பெற்று, இந்த வருடம் ஒரு போட்டியில்கூட தோற்காத நியூ இங்கிலாந்து Patroits யை இறுதி ஆட்டத்தில் வெற்றி பெறுவது என்பது ஒரு பெரிய சாதனைதான்.

ஒரு பக்கம் நியூ இங்கிலாந்து Patroits Quarterback, Tom Brady....
மூன்று முறை Superbowl வெற்றி பெற்ற அனுபவம்.
அவருடைய அமைதியும், நம்பிக்கையும், determinationம் எனக்கு பயங்கர ஆச்சரியத்தை ஏற்படுத்தியுள்ளது. Amazing...!!

இன்னொரு பக்கம் நியூயார்க் Giants Quarterback, Eli Manning 'கொஞ்சம் சொதப்பல்'க்கு பேர்போனவர்! ஆனால் பார்க்க குழந்தைமாதிரி இருப்பார்! அதனால்தான் என்னமோ NY Giants ஜெயிக்கவேண்டும் என்று தோன்றியது. ;)

ஒருபக்கம் இப்படியென்றால், இன்னொரு பக்கம் Superbowl விளம்பரங்கள்....!!

ரொம்பவே பிரபலமானது. 30 வினாடிக்கு 2.7 மில்லியன் அமெரிக்க வெள்ளிகள் என்றால் சும்மாவா....!

இந்த நாளில்(மட்டும்) ஒளிபரப்பவுதற்காகவே - Budlight, FedEx, Gramin, Audi, Pepsi, CocoCola, Dell, Toyota, CareerBuilder.com, Sobe, Victoria's Secret போன்ற பெரிய நிறுவனங்கள் போட்டி போட்டிகொண்டு விளம்பரங்களை தயாரிக்கும்.

YouTubeல் பார்த்த சில விளம்பரங்கள்:

1. PEPSI: (நம்ம ஊரு இசை மாதிரிருக்கு ;)




2. PEPSICO





முழு விளம்பரங்கள் இங்கே!!

கண்டிப்பாக பார்க்கவேண்டிய சில விளம்பரங்கள்: Budlight, Pepsi, Cocacola, Sobe, ETrade & Victoria's Secret ;)

ரசித்தது...

சமீபத்தில் நண்பனிடமிருந்து ஒரு மின் அஞ்சல்..

Car, Train . Lorry , Bus or Omnibus , Jeep --- இதலாம் தமிழ்ல என்ன..எப்படி சொல்றது..?

Car - மகிழுந்து
Train -- தொடருந்து
Lorry -- சரக்குந்து
Bus or Omnibus -- பேருந்து
Jeep -- வல்லுந்து

ஏன்னா.....

"Motor என்பதற்கான தமிழ்ச்சொல் - "உந்து" என்பதுதான். அதாவது உந்தித் தள்ளுவது என்று பொருள்படும்."

"I listened to music chosen Randomly in my Car audio cassette"? இதை எப்படி தமிழ்ல சொல்வனு கேள்விவேற... ம்ம்ம்

@


குளிர்சாத பெட்டியின் உள்ள வெள்ளை பலகையில், 'இந்த வாரம் என்ன வாங்க வேண்டும் ' என்று எழுதி வைப்பது என் மனைவியின் வழக்கம். அந்த பட்டியலில் என் ஐந்து வயது மகள் அவளுடைய விருப்பத்தையும் சேர்த்திருந்தாள்.

1. Cordless phone
2. Ipod Cover

3. toyrus
4. kitten
5. baby brother
6.doctor kit
7.yes india

@@


தமிழாக்கம்: "மகிழுந்து ஒலிப் பேழையில் எழுந்தமானமாக தெரிவு செய்யப்பட்ட இசையை செவிமடுத்தேன்."

(இதயும் அவனே சொல்லிட்டால ...தப்பித்தேன்;) ... ம்ம் கஷ்டம்தான்....)

மணல் கயிறு

புத்தாண்டுல தமிழ் வலைப்பூ 'ஒரு மார்க்கமா'தான் இருக்கு. வருட ஆரம்பத்திலேயே வித விதமான விளையாட்டு.

மொக்கைனு ஒரு விளையாட்டு ஆரம்பிச்சா, அதிலேயும் கலந்து கட்டி அடிக்கிறாங்க. சில பேரு துணுக்கு தோரணங்கள் போட்டா... சில பேரு 'கொசுவத்தி' சுத்துறாங்க...

ஆனா எல்லாரும் 'நாட்டாமை' மாதிரி அவுங்க அவுங்க எழுத்தை பத்தி சொல்ற ஒரே தீர்ப்பு.. 'நான் எப்பவுமே போடுறது மொக்கைதான்.. இதில மொக்கைனு ஒரு தனி பதிவு வேற போடணுமா?' கிறதுதான். (இதிலயாவது நாம ஒத்துமையா இருக்கோமே!!)

மங்கை ஒரு படி மேல போய் "புச்சா" வேற கண்டுபிடிச்சிருக்காங்க.

ஆனா, அவுங்க அவுங்களையே 'நான் போடுறது மொக்கைதான்.' அப்படினு சொல்லவைச்ச அந்த 'நல்லவர்' யாரப்பா?

என்னைகூப்பிட்ட நல்லவங்க.. மங்களூர் சிவா & கண்மணி

இதோ நம்ம பங்குக்கு......




ம்ம்.. நம்மளும் நாலு பேரை கூப்பிடணும்மாமே.....

1. வடுவூர் குமார்
2. நந்தா
2. விமலா
3. மா.சிவக்குமார்

வருவாங்களானு தெரியாது... கூப்பிட்டு வைப்போம்....

இது மொக்கையா இல்லையானு 'தீர்ப்பு' சொல்றது நம்ம கோபியாமே... !!

அனைவருக்கும் தமிழர் திருநாள் வாழ்த்துக்கள்!!

வண்ண வண்ண கோலங்கள் - III

இவ்வளவு பெரிய தொடரா(!!) வரும்னு எதிர்பார்க்கலை...ம்ம்ம்..!

வண்ண வண்ண கோலங்கள் - I

வண்ண வண்ண கோலங்கள் - II


சன் தொலைக்காட்சியில் 'தில்லான மோகனாம்பாள்' பார்த்துட்டு எனக்கு தோன்றியதை எழுத அதே அலைவரிசையில் அதே திரைப்படத்தை பற்றி வந்தது 'மங்கை'யின் பதிவு. அட என்று பார்க்க.... அவருடைய மற்ற பதிவுகள் மிகுந்த சமூக அக்கறையுடனும் விழிப்புணர்வு ஏற்படுத்தகூடியதாக இருக்க அதுவும் கூகுள் ரீடரில் சேர்ந்தது.

Ghost Rider என்ற ஆங்கில படம் என்ற நினைவு. தலைப்பைவைத்தே படம் பார்க்கலாமா வேண்டாமா என்று எளிதாக தீர்மானிக்ககூடிய படங்களில், பார்க்க வேண்டாம் என்று ஒதுக்கிய படம்தான். ஆனால் அந்த படத்தைப் பார்த்துட்டு அதற்கு விறு விறுப்பா விமர்சனம் எழுத முடியுமா...படத்தைவிட அவருடைய விமர்சனம் நன்றாக இருந்தது. அதுதான் "ஜி.ரா". அதுதான் அவருடைய எழுத்துகளில் முதல் அறிமுகம்.

முதல் முதலில் கிறுக்க ஆரம்பித்த பொழுது சில தவறுகளை சுட்டிக்காட்டியது ஜெஸிலா. அதற்குமுன்னே அவர் பதிவு அறிமுகம் என்றாலும் "நன்றி" சொல்ல வைத்தது அவர் சுட்டிகாட்டியவைகள்.

'லேட்டா தெரிந்தாலும் லேட்டஸ்டா' (கூகுள்) ரீடரில் சேர்ந்த பதிவுகள்:

செப்புப்பட்டயம் -- சோழர்கள் (!!)

தருமி -- எளிமை - அனுபவம் - ஊர்கூடி தேர் இழுக்கும் முயற்சி (இந்த வயதிலும் !!)

பூக்கிரி -- ஜாலி

வவ்வால் -- அவர் தலைப்புமாதிரிதான்..

CAP டெக்னாலஜிதான என்று எளிதாக ஒதுக்கிதள்ளமுடியாதது... Snapjudgement. மனுசன் எப்படிதான் இவ்வளவு விசயங்களை சேகரிக்கனும்னு ஆவலும், நேரமும் கிடைக்குதோ.. பெரிய விசயம்! பயங்கரமான சேகரிப்பு... அவருடைய e-tamil சமீபத்தில்தான் பார்க்கும் வாய்ப்பு கிடைத்தது. பட்டாசு பாலு மாதிரி.... பாஸ்டன் பாலா! என்ன காலுல சரவெடி கட்டிட்டு மிரட்டலை...;)

அவர் பொண்ணுகிட்ட ஒரு கேள்வி: 'அப்பா தூங்கிறத பாத்திருக்கியா?'
அவரிடம் ஒரு கேள்வி: 'நீங்க தனிஆள் இல்லையா?'

விரும்பி படிக்கும்.. ஆனால் மறுமொழி போடும் அளவிற்கு 'வளரவில்லை' என்ற காரணத்தினால் கடந்து செல்லும் சில நண்பர்கள் தமிழ்நதி, டிசே தமிழன், அய்யனார் வரிசையில் இப்பொழுது புதுசாக விமலா !

இப்போதைக்கு இது போதும்....

சுபம்!!

பதித்த நாள்: டிசம்பர் 23, 2007