கல்லூரி - I

இந்தியாவில் மட்டுமல்ல உலகில் பல பகுதிகளில் சேசு சபையின் கல்விப்பணி பிரமிக்கதக்கது. குறிப்பாக இந்தியாவில் Xavier Institute of Management, Bhubaneswar (XIMB), Xavier Institute of Social Service (XISS), லயோலா (Loyola), தமிழ்நாட்டில் திருச்சி தூய வளனார் (St. Joseph's), சென்னை லயோலா (Loyola) , பாளையங்கோட்டை தூய சவேரியர் (St.Xavier's) ......
இப்படி அங்கு படித்த மாணவர்களுக்கும், சேசு சபைக்கும் பெருமை சேர்த்த... பெருமை சொன்ன கல்வி நிறுவனங்கள்.

இந்த முன்குறிப்புலாம் எதுக்குன்னா.... வார இறுதியில் (ஏப்ரல் 5, 2008) கலிபோர்னியா வளைகுடா பகுதியில் சேசு சபையின் கல்வி நிறுவனங்களில்# படித்த (பழைய) மாணவ-மாணவியர்களின் கலந்துரையாடல் நடைபெற்றது.

தொடர்புள்ள 30 மாணவ-மாணவியர்களுக்கு அழைப்பிதழ் (evite..!) வந்தது. அதில் சுமார் 18 பேர் கலந்து கொண்டனர். அதிலிருந்து (எனக்கு நினைவில் இருந்த வரை) சில துளிகள்...

* படித்த நாட்களில் கற்றுக்கொண்டவைகள் பின்னாளில் வாழ்வை செழுமைப்படுத்த மிகவும் பயனுள்ளதாக இருந்தது. (Life Values, Respect, Commitment, Sincerity, Shaping Life style....)

* ஷெப்பர்ட் திட்டம்

* மிகக்குறைந்த கல்வி கட்டணம்.

* ஒழுக்கம் [பள்ளிகூடத்திற்கும், கல்லூரிக்கும்கூட வித்தியாசம் தெரியாது.... அப்படியொரு கண்டிப்பு...;( ]

* Moral Education [வகுப்பு வாத்தியாருக்கு பயப்படுவதைப் போல 'நீதி மொழி' வகுப்பு ஆசிரியருக்கும் பயப்படுவோம்... ;( ]

* சுய விமர்சனம் செய்து கொள்ள உதவிய தியானங்கள், முகாம்கள்.

* சாதி, மதம் என்று பிரித்து பார்க்காத கல்வி முறை/அமைப்பு, ஆசிரியர்கள்.


இங்கு வலைப்பூவில் தூய வளனார் கல்லூரியில் படித்தவர்கள் மூன்று...நான்கு பேர் மட்டுமே(!) எனக்கு தெரியும். அதுவும் அவர்கள் கவிதைகள், கட்டுரைகள் என்று கலக்கி கொண்டிருப்பவர்கள்.

அவர்களைத்தவிர சேசு சபையின் கல்வி நிறுவனங்களில் படித்தவர்கள் கண்டிப்பாக இங்கு நிறைய பேர் உண்டு என்பது எனது எண்ணம். இதைப் பார்ப்பவர்கள் உங்கள் எண்ணங்கள்/அனுபவங்கள் பகிர்ந்து கொண்டாலோ அல்லது வந்ததிற்கு ஒரு 'ஹலோ'(!) சொன்னாலோ மிக்க மகிழச்சி அடைவேன்.

-- தொடரும்

# St. Joseph's College, Trichy
Loyola College, Chennai
St. Xavier's College, Palayamkottai
Arul Anandhar College, Karumathur
DeBritto Hr. Sec School, Devakottai
St. Mary's Hr. Sec. School, Madurai
Carmel Hr. Sec. School, Nagercoil

வெள்ளிக்கிழமை (சிறப்பு) படங்கள் ... ;)

திருமணமான என் தோழிக்கு -- பாலகுமாரன்

கல்லூரி நாட்களில் நான் படித்த முதல் நாவல் "இரும்புக் குதிரைகள்". இன்றும் குதிரையைப் பார்த்தால் அந்த கம்பீரம் பிடிக்கும். பாலகுமாரன், கதை சொல்வதில் வல்லவர்.

'.....................என்னுடன் உரையாடவும் என்னைப்பற்றி பொருட்படுத்தும்படி எதையாவது எழுதவும்கூட ஒருவருக்கு அதற்கான தகுதி வேண்டும்.' என்று சொல்லும் எழுத்தாளர்களுக்கு மத்தியில்........ வாசகர்களுக்கு, தான் எதிர்கொண்ட பிரச்சனைகளையும், தன்னுடைய அனுபவங்களையும்...... வாழ்க்கையில் நாம் தினமும் சந்திக்கின்ற பிரச்சனைகளை அவர் அலசி ஆராய்ந்து எளிமையாய் சொல்வதில் தேர்ந்தவர்.

நம் சமுதாயத்தில் திருமணம் என்பது சம்பிரதாய சடங்காக இருந்தாலும், மனதில் ஏற்படும் மகிழ்ச்சியும், சந்தோக்ஷமும்.... வீட்டில் களைகட்டத் தொடங்கும். அதை அனுபவித்தவர்களுக்கு தெரியும். ஆனால் பெண்களுக்கு அது வாழ்க்கையில் ஒரு திருப்புமுனை. சிலர் 'அடிபட்டு' திருந்தகூடும். சிலர் மற்றவர்களின் அனுபவங்கள் மூலமாக...

'திருமணமான என் தோழிக்கு..' நாவல் அல்ல! கட்டுரை. நான்கு விதமான குடும்பங்கள். அந்த குடும்பங்களில் ஏற்படும் சிக்கல்கள். அதைக் குறித்து பொதுவாக வைத்துக் கொள்ள வேண்டிய கவனம், தெளிவு பற்றி அவருக்கே உரிய பாணியில் சொல்கிறார்.

படிக்கும் பொழுது ... கதைகளில் செயற்கைதனம் இருந்தாலும், சொல்ல வந்ததை நேர்த்தியாக சொல்லி இருக்கிறார் ..... எப்பொழுதும் போல்!!

தோழிகள் மட்டுமல்ல தோழர்களும் படிக்கலாம்!

கட்டுரையிலிருந்து சில வரிகள் .....

"வெற்றி போதும் என்று தோன்றியவர்கள், வெற்றி பெற்றவர்கள் என்று விலகியவர்கள் சமுதாயத்தின் மிகப் பெரிய விஷவிருட்சங்கள். அவர்கள் தானும் வளர்வதில்லை. மற்றவர்களையும் வளரவிடாதவர்கள். அதிகமிருப்பாதால்தான் மிகப் பெரிய பிரச்சனையாக வாழ்க்கை இருக்கிறது. மற்றவர்களுடைய வெற்றியைப்பற்றி குமுறுகிறவர்கள்தான் இந்த தேசத்தில் அதிகமாக இருக்கிறார்கள். அவர்கள் சோம்பேறிகளாகவும் இருக்கிறார்கள். அந்த சோம்பேறிகள் தானும் ஜெயிக்காது, மற்றவர்களையும் ஜெயிக்கவிடாது ஏங்கிக் கொண்டிருக்கிறார்கள். இவைகளை அப்புறப்படுத்தினால் இந்த தேசம் நன்றாக இருக்கும்."

"வீட்டுச் சண்டைகளை மறக்க சினிமாவுக்கோ, நாடகத்திற்கோ செல்பவன் முட்டாள். அவன் வீட்டுக் கூச்சலை மறக்க இன்னொரு கூச்சலுக்குப் போகிறானே தவிர தனிமையில் தன்னுடைய பிரச்சனை என்ன என்பதை புரிந்து கொள்ள முடியாதவனாகவே போய் விடுகிறான். தன் பிரச்சினை என்ன என்று சொல்லமுடியாதவன் பிறர் மீது ஆளுமை செலுத்துவது என்பது என்ன. அடித்து உதைத்தலா, அகங்காரத்துடனும், ஆத்திரத்துடனும் பேசுவதா, இல்லை. அவர் சொன்னால் மற்றவர்கள் கேட்க வேண்டும், இவன் சொன்னால் அதில் அர்த்தமிருக்கும் என்று மற்றவர் காது கொடுக்க வேண்டும். அதற்கு பெயர்தான் ஆளுமை. அந்த ஆளுமை உன்னிடம் இருக்கிறதா. நீ சொன்னால் காது கொடுத்துக் கேட்கிறார்களா ஏன் கேட்க வில்லை. உனக்கே உன்னைப் பற்றி புரியவில்லை."

"பயணம் மேற்கொள்ளுகிறபோது வாழ்க்கையின் நிலையாமை ஒரு மனிதனுக்கு புரிகிறது. பயணம் மேற்கொள்ளுகிறபோது உலகத்தினுடைய பிரமாண்டம் புரிகிறது. பயணம் மேற்கொள்கிறபொழுது எத்தனை விதமான மக்கள், எத்தனை விதமான வாழ்க்கை, எத்தனை விதமான முயற்சிகள், எத்தனை விதமான தோல்விகள், எத்தனை விதமான வெற்றிகள் என்பது தெரிந்து போகின்றன. நல்லதும், கெட்டதும் முகத்திற்கு நேரே வந்து பயணத்தின்போது ஓடுகின்றன. நம்முடைய பிரச்சனை ஒன்றுமே இல்லை. நம்மைவிட வேதனைப்படுகிறவர்கள் அதிகம் என்பதும் புரிந்து போகிறது. பூமியின் பரப்பு புரியப் புரியதான் தூசினும் தூசாக இருப்பது தெரிந்து விடுகிறது. ஒரு தூசு இன்னொரு தூசோடு சண்டைப்போடுவதற்கு என்ன இருக்கிறது. என்ன காரணம் இருக்கிறது என்ற தெளிவு வருகிறது."

"இந்திய விவசாயம் இயற்கையோடு நடக்கின்ற சூதாட்டம். இந்தியப் பெண்களின் வாழ்க்கை ஆண்களோடு நடக்கும் போராட்டம். எத்தனை புராணங்கள் விவரித்து விளக்கியபோதும் சக்தி, தாய் எல்லாம் வல்லவள் என்று உரத்த குரலில் பலபேர் பல காலமாக முழங்கியபோதும் இந்த கணம் வரை இந்தியப் பெண் அடிமையாகத்தான் இருக்கிறாள். ஆணின் அட்டகாசத்திற்கு அடங்கியவளாகத்தான் இருக்கிறாள். "

"................ திருமணமாகிய பெண்ணை தன் அம்மாவுக்கு வேலை செய்ய அனுப்புவது என்பது பல ஆண்களின் குறிக்கோளக இருக்கிறது. எனக்கு மட்டும் அனுசரித்தால் போதாது. என் அம்மாவிற்கும், அம்மாவின் அம்மாவுக்கும், அம்மாவின் உறவினர்களுக்கும், அப்பாவின் உறவினர்களுக்கும், எதிர்வீட்டு நண்பர்களுக்கும் இன்னபிற வகையறாக்களுக்கும் அனுசரிச்சதுப் போகவேண்டும் என்று ஒரு முன்னூறு ஆட்களை எடுத்தவுடனே அவள் முன்னே காண்பித்து, அவளை திணறடிப்பது திருமணத்தின் முக்கிய நோக்கமாக இருக்கிறது.

அனுசரித்து அனுசரித்துப்போய் அவளுக்கென்று சொந்த விருப்பு வெறுப்புகள் எதுவும் இல்லாமல் வெறும் மரக்கட்டையாகவே பெண் முப்பது நாற்பது வயதில் மாறி விடுகிறாள்.

அவளுடைய கலைத்திறனோ, அறிவுத்திறனோ கூர்மைபெறாமல் மழுங்கிப் போய்விடுகிறது. எனவே முடிவெடுக்கத் தெரியாத பேதையாகவே முதிர்ந்த வயதுவரை அவள் வாழ்கிறாள். எல்லா விஷயத்திற்கும் பிறரை நம்பி இருக்கிறாள். ஒரு இடத்திலிருந்து மற்றொரு இடம் போவதிற்குகூட அவளுக்கு ஆண்களின் துணை தேவைப்படுகிறது. அப்படிப் போகிறவளே நல்ல பெண் என்கிற நிலைமையும் இங்கு இருக்கிறது. அவள் சற்று திமிராகவும், தன்னுடைய அபிப்ராயம் இது என்று சொல்பவளாகவும் இருந்தால் அவள் வாயாடியாக, அகங்காரியாக மற்றவர்களுக்கு காட்சி தருகிறாள்."

"பிரச்சனை எதுவாயினும் பிரச்சனையை தீர்த்து ஜெயித்து விட்டால், ஆண்கள் பதக்கம் குத்துகிறார்கள். தோல்வி என்றால் பெண்களை சுட்டிகாட்டுகிறார்கள். இந்த அவலம் காலகாலமாக நடந்து வருகின்ற ஒரு சோகம்."



இந்த தலைமுறையில் பெண்களுக்கான சில சோகங்கள் மறைந்திருக்கின்றன. முற்றிலுமாக மறைய எத்தனை தலைமுறைகள் ஆகுமோ?

நான்கு

நான்கு வசிப்பிடம்:

1. சிவகாசி -- ஆரம்பகால பள்ளிபடிப்பு, நண்பர்கள், இன்னும் நினைவிருக்கும் கூட படித்த (அப்போதய...!) தோழிகள் .
2. திருச்சி -- கல்லூரி நாட்கள், வாழ்க்கையின் திருப்புமுனை.
3. சிகாகோ -- உலகிலேயே பெரிய கட்டிடம், LIC தான் இருந்தவனுக்கு, Sears Tower -க்கு பக்கத்து கட்டிடத்தில் வேலை கிடைத்தால்....
4. ஹைதராபாத் -- பூங்கா நகரம், வித விதமான பிரியாணி .

நான்கு அரசியல்வாதிகள்:

1. நல்லகண்ணு - இப்படியும் ஒரு மனிதரா ?
2. சோ - நக்கல், நையாண்டி, 'சோ'தனம்.
3. விஜயகாந்த் - எத்தனை வருசம்தான் கலைஞர், ஜெ. கிட்டவே ஏமாறது?
4. வாஜ்பாய் - அனுபவம், கவிதுவமான பிரதமர்.....

நான்கு படங்கள்:

1. காதலிக்க நேரமில்லை (அப்பாவோட பாக்கணும்)
2. வசீகரா (விஜய் படங்களில் பிடித்த ஒரே படம்...! )
3. அமரம் [மலையாளம்] (தனியா பாக்கணும்...)
4. புது வசந்தம் ('அதே நண்பர்கள்' பட்டாளத்துடன்...)

நாலு மட்டும்தானா.. ;(

நான்கு உணவு வகைகள்:

1. அம்மாவோட 'சுக்கா வருவல்'
2. சகியோட '[சிக்கன்] பிரியாணி'
3. மகளுடன் சாப்பிடும் 'சிக்கன் Nuggets'
4. ரசம், சோறு & ஊறுகாய்

நான்கு தொலைக்காட்சி நிகழ்ச்சி:

1. ER
2. The Cosby Show --
3. நீயா?நானா?
4. F.R.I.E.N.D.S - நம்ம favourite, Phoebe தான் ;)


ம்ம்ம்... சம்பந்தமேயில்லாம இப்ப ஏன் இந்த பதிவு.....
வலைப்பதிவைக் கண்டுக்காம விட்டுடகூடாதுகிறதுக்காக.... ;)

தமிழ்

பிறமொழி இலக்கியம், எழுத்தின் ரகசியம், இளம் எழுத்தாளர்களின் படைப்புகள் பற்றிய எழுத்தாளர் எஸ்.ராமகிருஷ்ணன் அவர்களின் பதிவைப் படித்த பொழுது ஒரு பெருமூச்சு மட்டுமே பதில். அவர் குறிப்பிட்ட 50 மொழிபெயர்ப்பு புத்தகங்களில் ஒன்றோ இரண்டோதான் கேள்விப்பட்டவை!! இந்த பதிவை 'பார்க்கும் முன்' தற்செயலாக கிடைத்த புத்தகம், 'மௌப்பனி ரகசியப்பனி - சிவக்குமார் காலச்சுவடு'.....

அவர் குறிப்பிட்ட இளம் எழுத்தாளர்களில் செழியன், தமிழ்நதி, அஜயன்பாலா ... போன்ற மிக சிலரின் படைப்புகள் மட்டுமே அறிமுகம் உண்டு. வேறு சிலரின் பெயர்கள் 'சகி' மூலம் கேள்விப்பட்டதுண்டு. அதோட சரி!!



தென்றல் இதழில் முனைவர் வா செ குழந்தைசாமி அவர்களின் நேர்காணலையைப் படித்த பொழுதே ஒரு நெருடல் இருந்தது. அதையே கொத்ஸ் ஆரம்பித்து வைக்க (வழக்கம்போல) பலருடைய எண்ணச்சிதறல்கள்.

விரிவான கதைச்சுருக்கம் ரவிசங்கரின் பதிவில். ;)

ம்ம்ம்... என்னுடைய இரண்டனா...

விஜயகாந்த் இப்படி புள்ளி விவரங்களோட பேசியிருந்தா கைதட்டிட்டு 'வோட்டு(ம்)' போட்டுருக்காலாம்!!

தமிழ்ப் பற்று உள்ள... தமிழ் இணையப் பல்கலைகழகத்தின் தலைவருமான ஒருவரிடமிருந்து இப்படி ஒரு பதிலா என்பதுதான் ஆச்சரியமும், வருத்தமும். அதுவும் 12 வருடத்திற்குமுன் கிடைத்த (இருந்த) புள்ளிவிவரங்களை வைத்துக்கொண்டு பேசுவது அபத்தம்.

நவீன், இராமனாதன், அரை பிளேடு, தஞ்சாவூரான் இவர்களின் மறுமொழியும், வவ்வால், புருனோ, ரவிசங்கர் பதிவுகளும் மிக விரிவான விளக்கங்கள்.

இதற்குமேலும் தெளிவா சொல்லமுடியுமானு தெரியலை.

வேணும்னா ஒண்ணு பண்ணலாம்...

தமிழ் ஆசிரியர்கள், விரிவுரையாளர்களுக்கு இப்ப மற்ற துறையில கிடைக்கிறமாதிரி மாசத்துக்கு இலட்சம் (!) ரூபாய் சம்பளம் கிடைச்சா அப்ப 'போட்டி போட்டுக்கிட்டு' தமிழ் படிக்க வருவாங்களோ என்னமோ........ ?!



மதியின் திரைப்பார்வை மீது எனக்கு எப்பொழும் ஒரு சிறப்பு பார்வையுண்டு ;). அப்படி அறிமுகமான படம்தான், "Into The Wild" .

ஒரு சில படங்களை பார்த்துவிட்டு... (கொஞ்ச நாளைக்கு) வேற படங்கள் ஏதும் பார்க்கதோணாது. அந்தப் படத்தைப் பற்றிய சிந்தனைகளே வந்து செல்லும். அந்த வகையைச் சேர்ந்ததுதான் இதுவும்.

படத்தின் இயக்குநரான Sean Penn யை Mystic River மற்றும் சில தலைப்புச்செய்திகளின் மூலம் அறிமுகம் உண்டு. நடிப்பு, ஒளி ஓவியம், பாடல்கள், இசை என இரசிப்பதற்கு பல விசயங்கள் படத்தில் இருந்தாலும் படத்தின் வசனம்........ ம்ம்ம்.. இந்த நாவலை படிக்க வேண்டும் என்ற ஆவல் அதிகமாயுள்ளது.

வார இறுதி ......... ;)

(இலவச) ஙாலக அட்டை விண்ணப்பித்தால் 50 அமெரிக்க வெள்ளி,
பெற்றோர்-ஆசிரியர் சந்திப்புக்கு சென்றால் 25 அமெரிக்க வெள்ளி,
குழந்தைகள் பள்ளி தேர்வில் பாஸ் ஆனால் 600 அமெரிக்க வெள்ளி

இப்படி வருடத்திற்கு 6000 அமெரிக்க வெள்ளி கிடைத்தால் ...

இந்த கூத்துதான் Opportunity NYC என்ற திட்டத்தின் மூலம் செய்து கொண்டு இருக்கிறார்கள்.

ம்ம்ம்.. உலகில் ஒரு பக்கம் ...... ஙாலகத்திற்கு வருவதற்கும், தேர்ச்சி பெற்றதற்கும் காசு கொடுத்து கொண்டிருக்க......
மற்றொரு பக்கம் ஙாலகங்கள் எங்க இருக்குனு தேடவேண்டிய கொடுமை!

@

கச்சா எண்ணெய் விலை மற்றுமொரு 'சாதனையாய்' 105 அமெரிக்க வெள்ளியாக உயர , இதே சாதனை தொடர்ந்தால் இன்னும் அடுத்த இரண்டு, மூன்று மாதங்களில் பெட்ரோல் மற்றும் டீசல் விலை 5 அமெரிக்க வெள்ளிக்கு சென்று விடும் என்றுதான் தோன்றுகிறது.

இதற்கிடையில் புஷ் OPEC (Organisation of Petroleum Exporting Countries) கூட்டமைப்பை கச்சா எண்ணெய் உற்பத்தியை அதிகரிக்குமாறு கேட்டுக்கொள்ள.... அவர்கள் என்ன ஐ.நா வா உடனே 'தலையாட்ட' .....

'இதற்கு காரணம் உலக சந்தையில் அமெரிக்க வெள்ளியின் வீழ்ச்சியும், உங்களின் கவனக்குறைவும் (the mismanagement of the U.S. economy) தான் காரணம். கச்சா எண்ணெய் உற்பத்தி அளவுக்கு அதிகமாகவே இருக்கிறது' OPEC தலைவர் சொல்ல அடுத்து என்ன செய்யலாம் என்று யோசித்து கொண்டிருக்கிறார்கள்.

@

தங்கர் பச்சானின் 'ஒன்பது ரூபாய் நோட்டு' நாவல் படிக்க கிடைத்தது. இந்தப் படத்தின் விளம்பரத்தை பார்த்துட்டு படம் பாக்கணும் எண்ணம் இருந்தது. இதுவரை பார்க்காததால் சரி.... நாவலை முதலில் படிக்கலாம் என்ற ஆவலினால் படிக்க ஆரம்பித்தது. மாதவ படையாச்சின் பாசத்தையும், வெகுளிதனத்தையும் சொன்னவர் அவருடைய முன் கோபத்தையும் வறட்டு கவுரத்தையும் அந்தளவுக்கு அழுத்தமாக சொல்லவில்லை என்றே தோன்றுகிறது.

ஒரு பின்தங்கிய கிராமத்து மக்களின் வாழ்க்கை முறை, பலா, முந்திரி தோப்பு என்று பல இடங்களில் மண்ணின் வாசனை.

ஆனால் ஒளி ஓவியமும், இயக்கமும் தொழிலாக இருக்க அவரிடமிருந்து இப்படிப்பட்ட ஒரு நாவல் எனும்போது ஆச்சரிமே அதிகமாகிறது.

@

குமுதம் சினிமாவில் பருத்தி வீரனுக்காக பெர்லின் சென்று விருது வாங்கி வந்த அமீர் பேட்டி மிகவும் யாதர்த்தமாக இருந்தது. மனதில் கோபமும், மறக்கப்படுதலின் வலி இருந்தாலும் அதையும் தாண்டி அவருடைய பேச்சு மனதில் இருந்து வந்ததினால் உண்மையாக எதையும் சொல்ல முடிகிறது. வாழ்த்துகள், அமீர்!!

மார்ச் 8 - மகளிர் தினமாம்! அதற்காக 'மகளிர் தின சிறப்பு நிகழ்ச்சி -- சாதனை பெண்களின் கருத்து' மற்றும் நடிகை ஷகிலாவிடம் சில கேள்விகள்.

பல "சாதனை பெண்கள்" பதில் சொன்னாலும் - மருத்துவர் ஷாலினி, ஃபாத்திமா பாபு, நடிகை சரண்யா மற்றும் கூலி வேலை செய்யும் பெண்ணின் பதில்கள் அழுத்தமும், அழகும்!!

சரி.... அப்படி என்னதான் ஷகிலா சொல்ல போறாங்கனு பார்த்தா..... ம்ம்ம்..... எதிர்பார்த்ததைவிட நல்லாவே பதில் சொல்லி இருந்தாங்க.

வார இறுதி ... யாரும் ஏமாந்து போகக்கூடாது. அதனால் ........

மனதிலே.....

எத்தனை ஆண்டுகள் வாழ்வு பயணம் செய்தோம் என்பதைவிட, எத்தனை முறை பயணத்தினிடையே நின்று இன்னலுற்ற பிறர்க்கு உதவினோம் என்பதே பெரிது!

அடைந்த புகழினை வைத்து வாழ்வை அளப்பதைவிட
புரிந்த நன்மையை வைத்து அளவிடுதலே பொருத்தமாகும்.

@

உற்றாரை யான் வேண்டேன்
ஊர் வேண்டேன் பேர் வேண்டேன்
கற்றாரை யான் வேண்டேன்
கற்பனவும் இனிமையும்

உன்குரைகழறகே கற்றாலின் மனம்போலத்
கசிந்திருக வேண்டுவவே!

- திருவாசகம்